Астанада «Тіл жанашыры - 2015» төс белгісімен салтанатты марапаттау рәсімі өтті (ФОТО)

«Тіл жанашыры» құрмет белгісі екі жылда бір рет табысталады, 2015 жылы бесінші рет өткізілді.

Естеріңізге сала кетейік, алғашқы жылы құрмет белгісіне қазақ тілін зерттеп жүрген шетелдік ғалымдар Түркия профессоры Абдувахаб Қара, Еуропа Қыпшақтар қауымдастығының президенті Вад Ласло, Оңтүстік Корея Ханкук университетінің профессоры Йун Си Нэ, Мюнхен университетінің профессоры Қайум Кесижи, Индиана университетінің профессоры Уильям Фиерман ие болды.

Кейінгі жылдары мемлекеттік тілге шынайы жанашырлық танытып, тіл мен мәдениеттің дамуына нақты ісімен үлес қосқан ғалымдар мен жазушылар, мемлекеттік қызметшілер мен қоғам қайраткерлері, бұқаралық ақпарат құралдарының өкілдері мен меценаттар марапатталды.

Биылғы жылы наградалар 21 номинантқа табысталды. Олардың қатарында Қазақстанның Астана мен Алматы қалаларынан және елдіңтүкпір-түкпіріненжиналғантілжанашырлары бар.

Сондай-ақ, Мәскеу мен Орынбор қалаларының өкілдері жоғары марапатқа ие болады.