Үкімет кері байланыс өзегін құруы керек– А.Соловьева

4 Қараша, 2013 13:49

Қызмет пен бағдарламалардың кімге бағытталғанын, мақсатты топтың қызметін халық қадағалай алу үшін Үкімет ашық және жариялы түрде жұмыс істеп, кері байланыс өзегін құруды үйренуі керек, деп мәлімдеді ҚР Парламент Мәжілісінің экономикалық реформа және өңірлерді дамыту комитеті мүшесі Айгүл Соловьева ҚР Президенті жанындағы ОКҚ апталық дәстүрлі баспасөз отырысында.

«Мен сараптама кеңесі мүшесі ретінде өңірлерді аралап, мемлекеттік сатып алуда қандай кемшіліктер бар екенін бақыладым. Және біз өзіміздің ұсыныстарымызды айттық. Барлық кәсіпкерліктермен кездесіп, қиыншылық туған мәселелер бойынша бірыңғай реестрге енгіздік», - деді ол.

«Алайда бұл 2012 жылы болған. Ал Үкімет бүгін ғана мемлекеттік сатып алу туралы заңды дайындауға кірісіп жатыр. Олар Мемлекет басшысы тапсырма беріп, сын айтқан кезде ғана іске кірісті. Ал енді менің білуімше, осы заң Үкіметтің қарауына тапсырылмақ. Алайда біз таяуда ғана «Атамекен» Ұлттық палатасы туралы заң жобасын қабылдадық. Онда аталмыш мәселе талқыланбады. Ал кәсіпкерліктің дәл осы мәселе жайында сұрақтары мен ұсыныстары бар», - деп толықтырды Айгүл Соловьева.

Естеріңізге сала кетейік, бюджеттің игерілмеуі мен бюджеттік бағдарламалардың тиімсіздігінің басты себебі ретінде Мемлекет басшысы мемлекеттік сатып алу жүйесінің шикілігінен екенін айтқан болатын.

11 қазандағы ҚР Үкіметінің кеңейтілген отырысында Мемлекет басшысы Үкіметке мемлекеттік сатып алу жүйесі мен сатып алу барысын толықтай қадағалап, жауапкершілікті мойындарына алу керектігін айтқан болатын.

Барлық жаңалықтар