Нан бағасы өнімді өндіруге кеткен шығын көлеміне қарай түзетілетін болады – сарапшы

Нан өндірісі шығындар жиынтығы болып табылады. Олар электрэнергия тарифы. Коммуналдық қызметтерге шығындар, жұмысшылардың жалақысы, жеткізіп беруге кеткен шығын, нан пісірушілерге берілген несиенің пайыздық үстемақысы және т.б. Сонымен қатар, нанның бағасын бекітуде наубайханалардың техникамен жабдықталуы да үлкен роль атқарады. Сондықтанда ұн бағасы төмендеген жағдайда да нан бағасы көтерілуі мүмкін. 

«Нан бағасы осы уақытқа дейін өнімді өндіруге кеткен шығын көлеміне қарай түзетілетін болады, яғни электр энергия құнының өсуі, жалпы тарифтердің өсуі дегендей, негізі нан өндірісі де өзгеде өндіріс түрлері сияқты экономикалық процесс болып табылады», - деп мәлімдеді Е. Ган.

Сарапшы атап өткендей, ҚР Үкіметі бірнеше жылдар бойы нан бағасын ұстап тұру бойынша саясат ұстанып келді, осы ретте бұл саясаттан мемлекеттің бас тартуы өте орынды, себебі қазақстандықтардың нанға шығыны 3-5% аралығында және бұл өзге шығындармен пара-пар келмейді. 

«Әлеуметтік нан бағасын ұстап тұру тенденциясын өзімізбен бірге сүйретіп келе жатқанымызға біраз болды. Нан бағасы Кеңес одағы кезінен бастап Үкіметтің назарында келді. Бүгінде бізде жолақысы 80-100 теңге болған жағдайда, нан бағасы 60 теңгені құрап отыр, осы ретте «Бұл дұрыс па?» деген сұрақты еріксіз қояды екенсін, әрине «Дұрыс емес», - деп түсіндірді сарапшы.

Оның үстіне Е. Ган атап өткендей, біз наубайханалар өндірісіннің әлеуметтік нан саласындағы өтімділігін көтеретін болсақ бұл бізге бір-бірімен байланысты салалардың бағасына дұрыс қарауға мүмкіндік береді. Осылайша бүгінгідей теңсіздік болмайды.

Индира Кауметова