Мәжіліс депутаттары Шымкент МӨЗ жұмысымен танысты
6 Қараша, 2015 16:52
Шымкентте Александр Милютиннің төрағалығымен Экологиялық мәселелері және табиғат пайдалану комитетінің көшпелі отырысы болды, деп хабарлады Мәжілістің баспасөз қызметі.
«ПетроКазахстан Ойл Продактс» кәсіпорнының алаңында депутаттар,Энергетика министрлігінің, «КазЭнерджи» ассоциациясының және «ПКОП» кәсіпорнының өкілдері «Қазақстан Республикасының кейбір заңнамалық актілеріне мұнай өнімдерінің жекелеген түрлерін өндіру және олардың айналымын мемлекеттік реттеу мәселелері бойынша өзгерістер мен толықтырулар енгізу туралы заң жобасын талқылады».
Депутаттар Шымкент мұнай өңдеу зауытына барып, кәсіпорынның өндірістік қызметімен, қоршаған ортаны қорғауға бағытталған бағдарламаларымен, сондай-ақ Мұнай өңдеу зауытын модернизациялау және қайтақұрудың мемлекеттік жобасымен танысты.
