ҚР Мемлекеттік хатшысы оқушыларға техникалық мамандықтарды таңдауға кеңес берді (ФОТОРЕПОРТАЖ)

«Елбасы Н.Ә. Назарбаев ұсынған бес институционалдық реформаны іске асыру жөніндегі «100 нақты қадам» Ұлт жоспарында білім беру жүйесін жаңғырту жөнінде нақты міндеттер қойылған.Қосымша білім беру ісі қазіргі уақытта оқу процесінің маңызды құрамдасы бола отырып, балалар мен жасөспірімдердің білімін, шығармашылық әлеуетін арттыруға, рухани-шығармашылық құндылықтарын нығайтуға ықпал етеді. Ол қазақстандық біртектілік пен бірлікті нығайтуға және дамытуға, жаңа қазақстандық патриотизмді қалыптастыруға бағытталған», - деді Г.Әбдіхалықова.

Оқушылар сарайын аралау барысында Гүлшара Әбдіқалықоваға «Менің кәсібім» атты кәсіптік бағдарлау блогының жобалары таныстырылды. Олар қазіргі кезде «Қазақстан темір жолы» және «Қазатомөнеркәсіп» ұлттық компанияларымен ынтымақтастықта табысты іске асырылуда.

Сонымен қатар, Г.Н. Әбдіқалықова ұлттық интерактивті паркті, 3D-технологиялар қолданылатын сфералық және планетарлық көрініс түрінде проекцияланған планетарийді, обсерваторияны, роботты техника зертханасын, классикалық балет секцияларының, халық аспаптары үйірмесінің жұмысын көрді. Сондай-ақ, Мемлекеттік хатшыға әртүрлі үйірмелерге қатысушылар әзірлеген «жасыл технологияларды» ілгерілету аясындағы ғылыми жобалар таныстырылды.

Сапардың соңында жас журналистер тобы өздерінің алғашқы кәсіби сұхбатын өткізді. Мемлекеттік хатшы Гүлшара Әбдіқалықова жас тілшілердің көкейінде жүрген барлық сауалдарға нақты жауап берді.

Жалпы, Мемлекеттік хатшы Оқушылар сарайының жұмысын оң бағалап, Астанада және еліміздің басқа да өңірлерінде балаларға өзін-өзі дамыту үшін бірдей мүмкіндік жасау мақсатында қосымша білім беруді дамытудың маңызын атап өтті.Мемлекеттік хатшы Г.Н. Әбдіқалықова іс-шара қорытындысы бойынша мемлекеттік органдарға бірқатар нақты тапсырмалар берді.

Ботагөз Айтжанова

Суретке түсірген  Азамата Әлиева