• Басты
  • 4 000-ға жуық қазақстандық ҚР Қарулы Күштерінің әскерлеріне қызмет етуге жіберілді (ФОТО)

4 000-ға жуық қазақстандық ҚР Қарулы Күштерінің әскерлеріне қызмет етуге жіберілді (ФОТО)

6 Қараша, 2015 14:47
Қазақстан Республикасының Қарулы Күштерінде күзгі шақырылым аяқталды. Жақында ғана 30212 әскери бөлімі Гвардейск кентінің оқу-жаттығу орталығына Қарағанды облысы мен Алматы қаласынан 45 шақырылушы жөнелтілді, деп хабарлады Қорғаныс министрлігінің баспасөз қызметі.

Бүгін дәл осы бағытта 50-ге жуық бозбала Петропавлдан аттанады.  Қарағанды облысының Қорғаныс істері жөніндегі департаментінде атап өткендей, 30212 әскери бөліміне жіберілгендер 17 қала мен облыс аудандарынан іріктелініп алынған.

Әрқайсысының жоғары моральдық-іскерлік қасиеттері, орта-арнаулы білімі, «В», «С» санатындағы жүргізуші куәлігі бар, сондай-ақ денсаулық жағдайы бойынша шектеулері жоқ («А» жарамдылық санаты). Мерзімді қызмет өткеру үшін шақырылым басталғалы бері Департаментпен барлығы 270 шақырылушы жіберілді. Сарбаздардың жас толымын жөнелту ҚР ҚК-де 19 қазанда басталды.

Сол сәттен бастап күн сайын жекелеген әскери команда болып бозбалалар еліміздің түкпір-түкпіріне жіберілді. Әскерлерге соңғы жөнелту ертең 7 қарашада өтеді. Жас толым үшін дәстүрлі түрде салтанатты шығарып салулар ұйымдастырылады, ал қызмет өткеру орындарында оларды болашақ командирлер, офицерлер күтіп алады. Олар сарбаздарға жаңа жағдайға бейімделулеріне көмектеседі және мерзімді қызмет аяқталғанға дейін бозбалаларға әскери істің негізін, қыр-сырын оқып-үйретеді.

Естеріңізге сала кетейік, Қазақстанда азаматтарды мерзімді әскери қызметке шақыру 1 қазанда басталды.  Шақырылуға 18 бен 27 жас аралығындағы 12 мыңнан аса ер азамат жатады. Олардың 4000-ға жуығы Қарулы Күштердің әскери бөлімдеріне, 2 000-ға жуығы ҰҚК Шекара қызметіне, 6 500-ден астамы ІІМ Ұлттық ұланына және 300-ге жуығы Мемлекеттік күзет қызметіне мерзімді қызмет өткеру үшін бөлінді.
 

 

Барлық жаңалықтар