Жаңа АПК-да кейбір істердің санаттары бойынша прокурордың қатысуы шектелген – Әбішев
«Ұлт жоспарындағы 26 қадамды орындау мақсатында кейбір істердің санаттары бойынша прокурордың қатысуы шектелген — үйді босату, жалақыны өндіріп алу, жұмыста қалпына келтіру, келтірген шығынды өтеуге қатысты істер. Шын мәнінде бұл жеке құқықтық келіспеушіліктер болып табылады», — деді М.ӘАбішев.
Ол атап өткендей, жаңа Кодекс «100 нақты қадам» Ұлт Жоспарында көзделген бірқатар шараларды іс жүзінде жүзеге асыруды қамтамасыз етеді.
«Прокурорлар тікелей мемлекеттің мүддесіне қатысты істерге араласатын болады. Жалпы соңғы екі жылда прокурорлардың дер кезінде әрекет етуінің арқасында ел бюджетінің 55 млрд теңгеден астам қаржысы қайта қайтарылды», — деді Марат Әбішев.
Айта кетерлік жайт, 2014 жылы барлығы 1 098 011 іс аяқталды. Соның ішінде 449 210 істің шешімі шығарыла отырып, 668 782 азаматтық іс қаралды. 2015 жылғы 6 айда барлығы 531 235 іс аяқталды. Соның ішінде 189 993 істің шешімі шығарыла отырып, 314 269 азаматтық іс қаралды.
