Шортандыда қуаттылығы жылына 60 тонна болатын құс фабрикасы салынуда
5 Қараша, 2015 19:21
Ақмола облысының әкімі Сергей Кулагин Шортанды ауданында болып, қаз етін өндіру мен өңдеу бойынша құс фабрикасы жобасының жұмысымен танысты, деп хабарлады облыс әкімдігі.
Шортанды поселкесінде «Бизнестің жол картасы 2020» бизнесті қолдау және дамытудың біріңғай мемлекеттік бағдарламасы аясында "Белая Лилия" ЖШС жобасын жүзеге асыру басталған.
Жаңа құс фабрикасының құны 73, 9 млн. теңге. Кәсіпорынның жоспарлы қуаты жылына 60 тонна ет.
Бүгінгі күні серіктесстік ауданның салық есебінде тұр, кәсіпорынға Шортанды ауданының аймағын дамыту бағдарламасы аясында жер телімі бөлінген, құрылыс жұмыстарына барлық келісім құжаттары даяр.
Дәл қазір құрылыс жұмыстары басталып, қажетті коммуникациялар жүргізілген. Нысанның енгізілу мерзімі 2016 жылдың алғашқы тоқсаны. Жаңа құс фабрикасы астананың және өзге де өңірлердің нарығына шығуды жоспарлап отыр.
