Құрылыс материалдарын шығару бойынша жаңа зауытта 28 жұмыс орны ашылды

Бектау ауылдық округінде табиғи тас, құм тас және өзге де құрылыстық материалдарды өндіру бойынша «Есиль Стоун»  ЖШС инвестициялық жобасы жүзеге асырылуда.

Серіктестік бүгінде орналасқан орынды барлау жұмыстарын жүргізуге және жер қойнауын пайдалану құқығына шарт жасаған. Сондай-ақ, несиелік қаражат көмегімен құны 436,4 млн.теңге тұратын шетелдік ұнтақтау-сұрыптау қондырғысын сатып алған.  

Қондырғының қуаты сағатына 200 тонна ұсақ тасты құрайды. Бұл ұсақ тас жолдарды, үйлерді және өзге де нысандардың құрылысын салу барысында пайдаланылады. 

Кәсіпорын өз жұмысын ағымдағы жылдың қазан айында бастады. Зауыттың жұмыс істеуімен бірге 28 адам жұмысқа орналасып, жуық арада бұл тізім 50-ге дейін көбеймек. Зауыт жыл аяғына дейін 50,0 мың тонна ұсақ тас шығаруды жоспарлап отыр. 

Кәсіпорын болашақта қабырғалық блоктарды өндіру бойынша цех ашуды жоспарлауда. Дайын өнім Астана қаласының құрылыс нысандары үшін сатылатын болады.

Атап өту керек бұл компания меншік иелері үшін бұл жоба құрылыс индустриясындағы алғашқы жоба емес – олардың өзге аудандарда  бетон және асфальт шығаратын зауыттары бар.