• Басты
  • Сауд Арабиясы ЭКСПО-2017-де баламалы энергетика саласындағы жаңа зерттемелерін көрсетуге дайын (ФОТО)
5 Қараша, 2015 15:49

Сауд Арабиясы ЭКСПО-2017-де баламалы энергетика саласындағы жаңа зерттемелерін көрсетуге дайын (ФОТО)

ҚР сыртқы істер министрінің бірінші орынбасары, ЭКСПО-2017 көрмесінің комиссары Рәпіл Жошыбаев бастаған қазақстандық делегация Сауд Арабия Корольдігіне барып қайтты, деп хабарлады ҚР СІМ.
Сауд Арабиясы ЭКСПО-2017-де баламалы энергетика саласындағы жаңа зерттемелерін көрсетуге дайын (ФОТО)

Қазақстандық делегацияның басшысы САК коммерция және индустрия министрі Тауфик әл-Рабиамен, корольдіктің сыртқы істер министрінің орынбасары, Ханзада Турки әл-Кабирмен, Король Абдулла атындағы ядролық және жаңартылған энергетика бойынша ғылыми қалашықтың вице-президенті Хуссейн Абулфараджеммен,сонымен қатар Сауда-өндіріс палатасының, бизнес құрылымыдар  мен ұйымдардың басшыларымен кездесулер өткізді.

«Қазақстан мен Сауд Арабия арасында екіжақты ынтымақтастықтың барлық секторлары бойынша  ашық және сенімді қатынас орнады», - деп атап өтті корольдіктің коммерция және индустрия министрі.

Тараптар энергетика саласындағы ынтымақтастық, инвестиция және ЭКСПО-2017-ге қатысу туралы мәселелерді талқылады.

«Сауд Арабия  ЭКСПО-2017-ге қатысуға мүдделі, себебі бұл айтулы шара және «Болашақ энергиясы» тақырыбында Сауд Арабияның әлем қауымдастығымен бөлісер жаңалығы жетерлік», - деді Тауфик әл-Рабиа.

Жалпы,кездесу барысында Қазақстанның халықаралық ұйымдармен қарым-қатынасы, ұстанып отырған саясаты қарсы тараппен жоғары бағаланды.

Барлық жаңалықтар
3.237.254.197, 192.168.88.100