Елордалық № 2 қалалық ауруханада жаңа әдіс енгізілді

5 Қараша, 2015 14:47

Астанадағы № 2 қалалық ауруханада алғашқы рет қалалық стационар деңгейінде «Бас миы оң жақ жартышарының орта ми күретамыры бассейнінен тромбэмболэктомия және церебралдық ангиография» әдісі енгізілді. Бұл өз кезегінде жоғары мамандандырылған медициналық көмек болып табылады, деп хабарлады Астананың денсаулық сақтау басқармасы.

Операцияны «№ 2 қалалық аурухана» ШЖҚ МКК жүрек-тамыр хирургиясы бөлімшесінің меңгерушісі С.С. Мухаметкалиев пен «Ұлттық нейрохирургия орталығы» АҚ нейрохирургі Е.Ж. Медетовпен бірлесіп жүргізді.

65 жастағы науқас № 2 қалалық аурухананың жүрек-тамыр хирургиясы бөлімшесіне сол жақ қолы күретамырының жіті тромбоэмболиясы, 2 дәрежелі жағдайында түседі. Оған ота жасау шешімі қабылданады. Сол жақ қолына айқындағыш зерттеу, күретамырларындағы ұйысқан қанды ашық операция жасау арқылы алады. Жасалған операциядан кейін 20 минут өткен соң, дененің сол жақ бөлігінің қозғалысы толығымен қалпына келеді. Қазіргі уақытта пациенттің жағдайы жақсы.

№ 2 қалалық аурухананың жүрек-тамыр хирургтарының жоғары дәрежедегі біліктілігі және аурухананың заманауи медициналық құралдармен жабдықталу нәтижесінде науқастың өміріне араша түсу мүмкін болды.

Статистикаға сүйенсек жоғарыда аталып өткен диагноз бойынша 90 % жағдайда науқастар түрлі ауыр дәрежедегі мүгедектер болып қалады екен. Клиниканың жоғары білікті мамандары жүрек-тамыр ауруларын емдеуде аталған әдісті одан әрі қолданбақ ниетте.

Барлық жаңалықтар