ҚР Сенаты «Астана» халықаралық қаржы орталығы туралы заңды қабылдады
Заң жобасында шекаралары нақты белгiленген аумақты бiлдiретiн мынадай органдарды басқаратын орталықтар құру көзделген. Соның бiрi - Орталықты басқару жөнiндегi кеңес. ҚР Президентi басқаратын, тұрақты жұмыс iстейтiн алқалы орган Орталықтың даму стратегиясын айқындайды, оның қаулылар түрiндегi актiлерi қабылдайды.
«Сол сияқты, Орталық әкiмшiлiгi, Орталықтың қаржылық қызметтер көрсетудi реттеу жөнiндегi комитетi және тағы бiрқатар қажеттi органдар құрылады. Заң жобасы Орталық аумағында ерекше құқұқтық режимдi бекiтедi. Онда, бiрiшiден, Орталықтың ҚР заңнамасынан өзгеше меншiк құқығы заңнамасы болады, Орталықтың құқығы ҚР Конституциясына, заң жобасына Англия мен Уэльс құқығының қағидаттары мен нормалары немесе әлемнiң жетекшi қаржы орталықтарының стандарттары негiзге алынатын орталық органдарының актiлерiне негiзделетiн болады. Екiншiден, Орталықта ерекше салық, валюталық және визалық режимiнiң, сондай-ақ, орталық органдарыны және қатысушыларының шетелдiк жұмыс күшiн тартуының ерекше пежимi болады», - дедi өз баяндамасында ҚР Ұлттық Банкi төрағасының орынбасары Қуат Қожахметов.
Мысалы, Орталықтың органдары мен қатысушыларын 2066 жылдың 1 қаңтарына дейiн 50 жылға корпоративтiк табыс салығын, мүлiк салығын және жер салығын төлеуден босату белгiленген.
Төраға орынбасары, сондай-ақ, визалық режим мәселесiнде орталық қызметкерлерi болып табылатын шетелдiктер мен азаматтығы жоқ азаматтардың, сондай-ақ олардың отбасы мүшелерiнiң виза алу рәсiмi де жеңiлдетiлгенiн айттты.
Сонымен қатар, Қ.Қожахметов «Болашақ» бағдарламасы бойынша бiлiм алып, шетелде қызмет етiп жатқан қазақстандық бiрқатар жастар қазiрдiң өзiнде аталған қаржы орталығына қызығушылық танытып отырғанын айтты.
