Ташкентте темір жол көлігі саласындағы ынтымақтастық мәселелері талқыланды

5 Қараша, 2015 10:26

Компания президенті Асқар Маминнің басшылығымен «ҚТЖ» ҰК» АҚ делегациясы Достастыққа қатысушы елдердің темір жол көлігі Кеңесінің Ташкентте өткен 63-інші отырысында болды, деп хабарлады Ұлттық компанияның баспасөз қызметі.

Отырысқа Қазақстан, Әзірбайжан, Армения, Белорусия, Қырғызстан, Молдава, Ресей Федерациясы, Тәжікстан, Түркменстан, Өзбекстан, Украина теміржол әкімшіліктерінің басшылары – Кеңес мүшелері қатысты.

Сондай-ақ, бұл шарада Болгария, Грузия, Латвия, Финляндия теміржол әкімшіліктерінің басшылары – ассоциацияланған Кеңес мүшелері болды. Кеңес Ережесіне сәйкес отырысқа Литва, Эстония теміржол әкімшіліктерінің басшылары келді.

Отырыста төмендегі күн тәртібі бекітілді:62-отырыста қабылданған шешімдердің жүзеге асырылуы және 2015 жылдың 9 айы ішіндегі темір жол желісінің эксплуатацияланған жұмысы, халықаралық бағдардағы жолаушылар кешенінің 2015 жылдың 9 айы ішіндегі жұмыс қорытындысы, пойыз қозғалыстарының кестесі, халықаралық бағдардағы контейнерлік вагондар мен жүк пойыздарының жүру жоспарының 2015-2016 жылдарға арналған кестесі, 2015 жылдың мамыр айында жүргізілген жүк вагондарының санақ қорытындысы мен биылғы жылдың мамыр, қыркүйек айларында жүргізілген контейнерлер санағының алдын ала нәтижелері.

Ағымдағы жылдың 9 айы ішіндегі теміржол әкімшіліктерінің арасындағы өзара есеп айырысуы;2016 фракт жылында халықаралық бағдарда жүк тасымалдаушы темір жолдардың тариф саясаты туралы;

Кеңес отырысында халықаралық бағдардағы темір жол көлігінің қызметін қамтамасыз етуге байланысты бірқатар сұрақтар қаралды. Кеңестің 64-отырысы 2016 жылдың мамыр айында Грузияда өтетіні мәлім болды.

Барлық жаңалықтар