«Қазақстан-2050» Стратегиясы» мен «Нұр Отан» партиясының Доктринасы Мемлекет басшысының тапсырмасын орындаудың негізгі көзі болуы керек – А.Соловьева

«Негізгі көзіміз «Қазақстан-2050» Стратегиясы» мен «Нұр Отан» партиясының Доктринасы болу керек. «Қазақстан-2050» Стратегиясында» Мемлекет басшысы бәсекеге барынша қабілетті алдыңғы 30 елдің құрамына кіру туралы тапсырма берді. Сөзсіз, қойылған мақсат пен жоспар Үкіметтің аталмыш көрсеткішке жеткізетін халықаралық қауымдастықтарға жету мақсатында үдемелі түрде жұмыс істеу керектігін білдіреді», - дейді Айгүл Соловьева.

Депутаттың айтуынша, аталмыш екі маңызды құжат Үкіметтің негізгі жұмыс жоспарына айналуы тиіс.

«Траектория қабылданған, басты тапсырмалар мен жоспар құрылған, енді Үкімет өзінің реформаларын осыған ыңғайлауы керек. Мемлекет басшысы ұсынған осы екі құжатқа лайық дәрежеде жасалған жұмыс пен белсенді қызметтерді көре алмай отырмыз», - деген сын да тақты ҚР Парламент мәжілісінің экономикалық реформа және өңірлік даму комитетінің мүшесі Айгүл Соловьева.

Сонымен қатар, депутат Президенттің Үкімет жайлы пікірін Қазақстан халқының қолдайтынын айтты.

«Мемлекет басшысының қатысуымен өткен Үкіметтің кеңейтілген отырысынан кейін мен республиканың  4 өңіріне барып-қайттым. Сондағы байқағаным, Елбасының Үкімет жұмысы жайлы айтқан сыны халық арасында кеңінен қолдау тапқан», - деп қорытындылады А.Соловьева.