«Қыс-2015» республикалық командалық-штабтық оқу-жаттығуына азаматтық қорғаудың 850 құрамы тартылады

4 Қараша, 2015 20:08

«Қыс кезіндегі төтенше жағдайларды алдын ала ескерту және жою бойынша іс-қимылдарға азаматтық қорғау мемлекеттік жүйесінің басқару органдары мен күштерін дайындау» тақырыбында «Қыс-2015» республикалық командалық-штабтық оқу-жаттығу басталды. Қазақстан Республикасы Ішкі істер министрінің орынбасары В.К.Божконың басқаруымен оқу-жаттығуға басшылық ету штабы Петропавл каласында орналасқан. Республикалық командалық-штабтық оқу-жаттығу 6 қарашаға дейін жалғасады.

ҚР ІІМ ТЖК хабарлағандай, оқу-жаттығу барысында қыс кезіндегі ТЖ-ға ден қоюға азаматтық қорғау қызметтері мен құралымдарының әзірлігі тексеріледі, күрделі метеорологиялық жағдайда, көліктік магистральдің және ТКШ, жылу беру, сумен және электр қамтамасыз ету жүйесі жұмысының бұзылуы кезіндегі төтенше жағдайларды жою бойынша олардың бірлескен іс-қимылдары практикада пысықталды.

Республикалық оқу-жаттығуға барлығы 7 мыңнан астам адам саны бар азаматтық қорғаудың 850 құрамы тартылады, сондай-ақ 2 мыңнан астам бірлік техника жұмылдырылады.

Елді мекендердің көлік магистральдарын қар көшкіні мен қар басудан қорғалуын қамтамасыз ету, суайдындарында мұздың пайда болуын бақылаудың жай-күйі және мұз өткелдерін қауіпсіз пайдалану шаралары тексерілетін болады.

Сонымен қатар су, кәріз, жылу, электр, газ құбырларының және байланыс желілерінің авариялық-техникалық командаларының әзірлігі бағаланады.

«Қыс-2015» оқу-жаттығу шеңберінде республика бойынша қыс кезіндегі ТЖ-ны жою және зардап шеккендерге көмек көрсету бойынша іс-қимылдарды пысықтау жөніндегі тактикалық-арнайы жаттығулар өткізіледі.

Өткізілетін оқу-жаттығу азаматтық қорғау жүйесі әзірлігінің кемшіліктерін және «ауру сезгіш нүктелерін» анықтауға мүмкіндік береді, оларды уақытында жою қыс мезгілінің қауіпсіз өтуіне септігін тигізеді.

Барлық жаңалықтар