Көкшетауда тағы бір ХҚКО ашылды (ФОТО)

Айта өтейік, бұл жерде құжат қабылдайтын - 6 әйнек, дайын құжаттарды беретін - 2 әйнек, өзіндік қызмет көрсететін - 4 сектор, тұрғындарды құжаттандыру және тіркеу жүргізетін - 1 әйнек және суретке түсу үшін ыңғайлы жағдай жасалған орын бар. 

Аталмыш орталық ашылған сәттен бастап шамамен 1500 мемлекеттік қызмет түрін көрсетіп үлгерген. 

Орталықта мемлекеттік қызмет көрсету тізіліміне сәйкес,  халықты құжаттандыруға байланысты 200-ден астам қызмет түрі көрсетіледі.

Бүгінгі күні бөлімшеде Ресей Жинақтаушы банкы төлемдерін қабылдау бойынша терминал орналастырылған, тұрғындардан төлем қабылдау үшін «Қазпошта» АҚ базасын қосу бойынша жұмыстар жүргізілуде. Сондай-ақ, Казкоммерцбанк АҚ қосымша есептік-кассалық бөлімін орнату, нотариус және көшірме жасау кабинеттерін ашу жоспарлануда.

Естеріңізге сала кетейік,  бұл облыс орталығында қызмет көрсетуші 2-інші ХҚО. Одан өзге, тағы бір осындай орталық Көкшетау қаласының Красный яр кентінде жұмыс істейді.