ЕҰУ Кембридж, Сассекс пен Ковентри университеттерімен меморандумға отырды
4 Қараша, 2015 17:09
Лондонда Қазақстандық және британдық университеттердің бірінші форумы аясында Л.Н.Гумилев атындағы Еуразиялық ұлттық университетінің Ұлыбританияның жетекші үш жоғарғы оқу орнымен меморандумға қол қою рәсімі өтті. Атап айтар болсақ, Кембридж, Сассекс пен Ковентри университеттері.
Ынтымақтастық туралы құжатқа Л.Н.Гумилев атындағы ЕҰУ ректоры Ерлан Сыдықов пен ағылшындық университетердің бірінші өкілдері қол қойды, деп оқу орнынан хабарлады.
«Меморандум аясында студенттермен, магистранттармен, PhD докторлармен алмасу арқылы бәсекеге қабілетті мамандарды бірлесіп даярлау; іс тәжірибеден өту, онлайн лекция өткізу, бірлескен қараларға қатысу, бірлескен ғылыми - білім беру бағдарламаларын жасақтау және т.б. қарастырылған», - делінген хабарламада.
Естеріңізге сала кетейік, форум Қазақстанның 35 және Ұлыбританияның 32 жетекші жоғарғы оқу орындарының басшыларының басын қосты.
