Қазақстандықтарға баспаналарының энергия тиімдлігін несиеге жақсарту ұсынылады

«БҰҰДБ пилоттық жобаларында бұл үрдістің оң және теріс қырлары нақтыланған. Қазақстандағы нысандарды салудағы энергия тиімділігін ілгерілету, үрдісті жетілдіру бойынша ұсыныстар әзірленіп, құзыретті органдарға бағытталды. Басты ұсыныстардың бірі: салынатын нысандардың энергия тиімділігіне жергілікті орган тарапынан талап орнату, басшылық жер учаскесін беру туралы шешімді қабылдау, нысанның энергия тиімділігі мен жайлылық санатын айқындау, нысан иелері мен тапсырушыларға талаптар қою», - деді ол.

Оның айтуынша, комитет энергия тиімділікті ілгерілету бойынша белсенді жұмыс жүргізуде.

Д.Турушова комитет жаңа құрылыстарда энергия тиiмдiлiктi насихаттауға ғана емес, сондай-ақ қазiргi тұрғын үй қорларын модернизациялау бойынша да белсендi жұмыс жүргiзiп жатқанын айтты. 

«Республикада 100 мыңнан астам көппәтерлi тұрғын үй бар және олардың 28%-дан астамы күрделi жөндеу жұмысын жүргiзудi қажет етедi. Бұзылуы тиіс апатты жағдайдағы үйлер саны 3 мыңнан асады. Елiмiздегi тұрғын үй-коммуналдық шаруашылықты дамыту мен модернизациялауға арналған арнайы бағдарлама күрделi жөндеу жұмыстарын жүргiзу нәтижесінде жылу тұтынуды үнемдеудi 30%-ға жеткiзу ұсынылып отыр. Қазiр екiншi деңгейлi банктердi тартумен тұрғын үй-коммуналдық шаруашылықты дамыту қоры арқылы үйлерді жөндеу жұмыстарын қайтарымды негiзде қаржыландыру қарастырылып жатыр. Шетел тәжiрибесi бойынша қордан несие берiлуi кезiнде пайыздық мөлшердемелердi субсидиялау мәселесi пысықталып жатыр», - дедi ол. 

«Шетелдік елдердің тәжірибесі бойынша пайыздық мөлшерлемені субсидиялау қарастырылуда. БҰҰ ДБ жобасын қолдауда Қазақстанның бірқатар қалаларында әдістерді өзгерту қажет», - деді ол.

Ботагөз Айтжанова