Оңтүстік Қазақстан облысында ТКШ мәселелері бойынша Call-орталығы ашылды
4 Қараша, 2015 12:29
Оңтүстік Қазақстан облысында тұрғын үй және коммуналдық мәселелер бойынша Call-орталығы ашылды, деп хабарлады өңірдің баспасөз қызметі.
Заманауи ақпараттық құрылғылармен жабдықталған бірыңғай орталықтың Call-орталығындағы мамандар оңтүстікқазақстандық тұрғындардан келіп түскен ауызсу, электр жарығы, көгілдір отын, жылу және кәріз жүйелері бойынша өтініштерге шұғыл түрде жауап беретін болады.
Бірыңғай байланыс орталығы жылу маусымы кезінде тәулік бойы өтініштер қабылдайды.
