Қазақстан Президенті Ұлыбританияның іскер топ өкілдерімен кездесті
4 Қараша, 2015 09:38
Қазақстан Президенті Нұрсұлтан Назарбаев Ұлыбританияның іскер топ өкілдерімен кездесті, деп хабарлады Ақорданың баспасөз қызметі.
Іс-шараға «Royal Dutch Shell», «BG Group», «Barclays Bank», «Vitol Group», «De La Rue», «Glencore» және басқа да компаниялардың басшылары қатысты.
Мемлекет басшысы өз сөзінде Қазақстанның инфрақұрылымдық даму, көлік және телекоммуникация, тамақ және жеңіл өнеркәсіп, металлургия және мұнай химиясы салаларында белсене жұмыс істеп жатқандары үшін британ инвесторларына алғыс айтты.
Нұрсұлтан Назарбаев бірлескен жұмысты жалғастыру үшін қажетті әлеует бар екенін атай отырып, еліміз инвесторларға бірегей жағдай жасау ісін жалғастыра беретінін айтты.
