ҚР Президенті мен «Рио Тинто» компаниясының бас директоры геологиялық барлау саласындағы бірлескен жобалардың жүзеге асуын талқылады
4 Қараша, 2015 09:07
Мемлекет басшысы Нұрсұлтан Назарбаев «Рио Тинто» компаниясының бас директоры Сэм Уолшпен кездесті, деп хабарлады Ақорданың баспасөз қызметі.
Кездесуде геологиялық барлау саласындағы бірлескен жобаларды одан әрі жүзеге асырудың негізгі аспектілері қарастырылды. Тараптар сондай-ақ заманауи іздеу және барлау технологияларының трансферті, сондай-ақ Қазақстан мамандарын оқыту сияқты ынтымақтастық бағыттарын талқылады.
Мемлекет басшысы бірлескен жұмыстың жемісті әрі табысты болатынына сенім білдірді.
«Қазақстан аумағы ресурстарға бай. Осыны ескере отырып, Сіздің компанияның жұмысынан зор нәтижелер күтеміз», – деді Нұрсұлтан Назарбаев.
С.Уолш компания Қазақстанда біраз уақыттан бері жұмыс істейтінін және «Рио Тинто» үшін біздің ел қызығушылық тудырып отырғанын айтты.
