Қарағандының студенттері мен оқушылары әскери ант қабылдады (ФОТО)
Алғашқы әскери дайындық бағдарламасының түлектері әскери-патриоттық тәрбиелеуге оқып-үйренуде, әскери-кәсіби және спорттық дайындықтан өтуде, спецификалық әскери пәндерді оқып-үйрену шеберлігі мен әдістемесін меңгеруде. 1996 жылдан бастап кафедра «алғашқы әскери және дене даярлығының оқытушысы» біліктілігі беріле отырып, «бастапқы әскери және дене даярлығы» мамандығы бойынша студенттерді дайындауды бастағанын айта кетейік.
«Жас сұңқар» әскери-спорттық клубының қатысушылары іс-шара қонақтарына қарумен саптық айла-тәсілдер көрсетті, ал бастапқы әскери дайындық кафедрасы студенттерінің орындауында әскери-патриоттық әндер шырқалды. Дәл осы күні №58 орта білім беру мектебінде мектептің 5 эксперименталдық сыныптың 58 оқушысының кадеттердің антын қабылдау рәсімі өтті. Салтанатты түрде және құрметті меймандардың қатысуымен кадеттер салтанатты түрде ант берді.
Мерекеге жиналған қонақтардың көптеген тілек-лебіздері мен тәлімдемелерінен кейін оқушылар барша қауымды вальспен қуантты, оларға Әлиялық сыныптардың шәкірттері қолдау танытты. 2013 жылдан бастап бұл мектепте ұлдар мен жеке қыз балаларға арналған кадеттік білім беру бағдарламасы жүзеге асырылатын эксперименталдық сыныптар ашылғанын айта кеткен жөн. Шақырылуға дейінгі жастардың қатысуымен іс-шараларды өткізу Қарағанды облысының Қорғаныс істері жөніндегі департаменті қызметінің негізгі аспектілері болып табылады.
Бұл Департаменттің ұйымдастырушылық қызметінде негізгі күш-жігер жастарға әскери-патриоттық тәрбие беруді жандандыруға, Қазақстан Республикасы қорғаушысының оң имиджін қалыптастыруға, әскери кәсіптің беделін нығайтуға және әскери қызметті уәждеуге бағытталғанмен байланысты.
