Павлодар облысында жыл басынан бері 818,6 млн теңгеге 7 дәрігерлік амбулатория салынды – әкімдік
Облыс денсаулық сақтау бюджеті 35,4 млрд. теңгені құрады. Соның ішінде кепілді тегін медициналық көмекпен қамтамасыз етуге 33,4 млрд. теңге қарастырылған, бұл 2014 жылмен салыстырғанда 4,7 %-ға артық (31,9 млрд.теңге).
2015 жылғы 1 қазандағы жағдай бойынша облыстың медициналық ұйымдарында 2341 дәрігер және 5953 орта медициналық қызметкер жұмыс істейді.
Павлодар облысына 2015 жылдың 1 қазандағы жағдай бойынша 74 түлек келді, олар облыстың денсаулық сақтау ұйымдарына, соның ішінде 11-і ауылдық жерге жұмысқа орналастырылды.
2015 жылғы 1 қазанға дәрігерлік кадрлар бойынша жетіспеушілік 15 бірлікті құрайды. (Павлодар қаласында – 6 дәрігер, Екібастұз қаласында -2, Ақсу қаласында – 1, аудандарда – 6 ).
2015 жылдың 9 айы ішінде 2014 жылдың осы кезеңімен салыстырғанда жалпы индикаторлар оң өзгерістерге жетті: жалпы өлім-жітім көрсеткіші 0,3%-ға ,1000 тұрғынға шаққанда 10,5-ке дейін, миокардтың жіті инфарктісінен өлім-жітім 13,8 %-ға, 100 мың тұрғынға шаққанда 21,7-ден 18,7- ге дейін, сәби өлімі 27%-ға, 1000 тірі туған сәбиге шаққанда 8,9-дан 6,5-ке дейін, түберкүлез өлімінен 8%-ға 100 мың тұрғынға 5,17 -ден 4,76-ға дейін, көлік апаты жағдайынан 18,4%, 100 мың тұрғынға 16,3-тен 13,3-ке дейін төмендеді.
Облыста соңғы 2 жыл ішінде онкологиялық аурулар деңгейі жоғары болып қалуда. Бұл көрсеткіш: 2013 жылы 301,9 - 100 мың тұрғынға, 2014 жылы – 303,6 - 100 мың тұрғынға, 2015 жылы – 9 айында 219,6 - 100 мың тұрғынға.
Ауру көрсеткішінің жоғарылығы, ең алдымен жаңадан қатерлі ісіктің 6 негізі скринингтік бағдарламаларды енгізуімен байланысты. Осының нәтижесінде ерте анықталған аурулар саны артуда: 2013 жылы – 58,8%, 2014 жылы – 59,1%.
«350 дәрігерлік амбулатория, фельдшерлік-акушерлік пунктер және емханалар құрылысы» бағдарламасына сәйкес ағымдағы жылы жалпы сомасы 818,6 млн. теңгені құрайтын 7 дәрігерлік амбулаторияның құрылысы аяқталды, соның ішінде 355,4 млн. теңге сомасына 3 амбулатория жергілікті бюджет қаражаты есебінен салынды.
Облыстық перинаталды орталықтың жаңа корпусының құрылысы аяқталды, жалпы сомасы 355,4 млн. теңге. Корпусты 2015 жылғы қараша айында ашу жоспарланып отыр.
Мемлекеттік-жеке меншік серіктестік шаралары аясында 25 диализді орынға нефрологиялық орталық салынды. Жалпы инвестиция көлемі 330 млн. теңгеден астам қаражатты құрайды. Қазіргі таңда нысан ашылуға дайындық үстінде.
