Арал элеваторында 150 тонна ұн өңделеді
3 Қараша, 2015 19:51
Арал қаласындағы бидай өңдейтін, ұн шығаратын элеватор қайтадан іске қосылды, деп хабарлады облыс әкімдігінің баспасөз қызметі.
«Сыр Медиа» ЖШС жанындағы ОКО-ның брифингінде жыл басынан бері атқарылған жұмыстарды жіпке тізген аудан әкімі Абзал Мұхимов осылай деді.
Элеватор жұмысы көп уақыттан бері тоқтап тұрған болатын. Инвестор тартудың нәтижесінде оған қайтадан жан бітті. Өндіріс орнының тәулігіне 180 тонна бидай тартып, одан 150 тонна ұн алуға мүмкіндігі бар. «Ранар» серіктестігі «Аралым» ұны мен мал азығындық жемді сатылымға шығаруда.«Экономиканы әртараптандыру мақсатында кәсіпорын базасында бірнеше цех пен зауытты іске қосамыз», - деді Абзал Мұхимов.
