2016 жылы «Қорғас-Шығыс қақпасы» АЭА қызметкерлеріне арналған қалашықтың құрылысы аяқталады

«Біз бұл сала бойынша  Алматы облысының әкімдігімен тығыз байланыстамыз. Қызметкерлеріміздің өмір сүруіне әлеуметтік  жағдай жасау мен «Қорғас – Шығыс қақпасы» АЭА-ға қызметкерлерді тартумен қатар мемлекеттік мекеме мен құрылымдардың қызметкерлерін тұрғын үймен қамту да жүзеге асырылуда. Бұл шаралардың барлығы «Қорғас-Шығыс қақпасы» АЭА-ның жұмыс істеуі үшін жүзеге асырылуда», - деді С.Анашкин.

Оның айтуынша, 2016 жылы қалашықтың барлық құрылыс жұмыстары аяқталады.

«Келесі жылы жұмыс істеп жатқан адамдар үшін нысандарды тапсыруды жүзеге асырамыз. Келер жылы құрылыс аяқталып, пайдалануға беріледі», - деді ол.

Айта кетейік, аталмыш АЭА қызметкерлеріне арналған қалашықтың іргетасы салынған болатын.

Ботагөз Айтжанова