• Басты
  • ҚХА делегациясы Мәскеудегі Ресей халықтарының форумына қатысуда

ҚХА делегациясы Мәскеудегі Ресей халықтарының форумына қатысуда

3 Қараша, 2015 11:28
Бұл күндері Мәжіліс депутаты Ахмет Мурадов Қазақстан халқы Ассамблеясы делегациясының құрамында 2-4 қараша аралығында Мәскеу қаласында өтіп жатқан Ресей халықтарының форумына қатысуда, деп хабарлады Мәжілістің баспасөз қызметі.

Бағдарламада Қазақстан халқы Ассамблеясы мен Ресей халықтарының Ассамблеясы арасындағы ынтымақтастық Меморандумына қол қою шарасы да қарастырылған.

Сонымен бірге «Ресей мен Қазақстанның азаматтық біртектілікті қалыптастыру» атты тақырыпта өткізілетін ғылыми-сараптамалық дөңгелек үстел өткізу де жоспарланған.

Форум пленарлық мәжіліспен қатар ҚХА делегаттарына сессияның жобасына, панелдік пікірталастарға, көрмелер мен басқа да шараларға қатысуды ойластырған.

Қазақстандық делегация форум шеңберінде ресейлік саясаткерлермен және парламентшілермен бірқатар жүздесулер өткізетін болады. Қазақстан халқы Ассамблеясы делегациясын Қазақстан халқы Ассамблеясы Төрағасының орынбасары – ҚХА Секретариатының меңгерушісі Ералы Тоғжанов басқарып барды.
 

Барлық жаңалықтар