«Алатау» кемесінде миналарды іздеу бойынша су жаңа станциялар орнатылады (ФОТО)

3 Қараша, 2015 11:14

Қазақстандық армияның жарақтандырылуына арналған Невск кеме құрастыру зауытында шығарылған «Алатау» жаңа мина-тартқыш кораблі бірден-бір болып келеді және композиттік материалдардан дайындалған жаңа үлгідегі корабльдердің жүзеге асырылуы болып табылады, деп хабарлады Қорғаныс министрлігінің баспасөз қызметі.

Монолиттік шыны пластик корпусы бар су алмасуы 165 тонналы «Алатау» тартқышы телебасқарылатын суасты аппараттармен жабдықталған және 30 миллиметрлік АК-306 артиллериялық қондырғымен, калибрі 12,7 миллиметр «Корд» оқшашарымен, сондай-ақ «Игла» тасымалданатын зенит-зымырандық кешенімен жарақтандырылған. Корабльдің ұзындығы 32 метр, ені – 7 метрді құрайды, экипаж – 14 адам.

Оның жүрісінің барынша жылдамдығы - 12 торап, жүзу қашықтығы – 650 миль, автономдылығы – 5 тәулік. Бұл рейдтік тартқыштың алдыңғы үлгіден ерекшелігі мина іздеудің су жаңа гидроакустикалық станциялары, телебасқарылатын және автономдық суасты аппараттар секілді миналармен күресудегі заманауи құралдарды қолдануы болып табылады.

Сонымен қатар, корабль дәстүрлі минаға қарсы құралдарды да қолданатын болады. Арнайы тапсырмаларды орындау кезеңінде корабльге 5 адамға дейінгі жауынгерлік жүзушілер бөлімшеге қабылдануы мүмкін. Корабльдің магниттік алаңын төмендету үшін барлық құрал-жабдық бірегей жағалық сынамалау стендінде тексеру және магниттен ажырату процедурасынан өтеді.

Мина-тартқыш кораблінің экипажы, бұл дегеніміз ҚР ҚК ӘТК-нің 15 әскери теңізшісі Санкт-Петербург қаласының Әскери-теңіз академиясының базасында шетелдік экипаждарды даярлауға арналған Ресейдегі оқу-жаттығу орталығында тағылымдамадан өткенін айта кетейік. Су жаңа корабльде теңізге шығуды егжей-тегжейлі зерделеу үшін даярлау орталығында экипаждарды жаттықтыруға арналған нақты оқу сұлбасы жаңадан жасалды.

Барлық жаңалықтар