Лондонда Британиялық және қазақстандық университеттердің форумы өтті

Ауқымды шара қазақстандық 35 және британиялық 32 оқу орнының тәжірибе алмасатын бірегей алаңына айналды. Онда бірінші басшылар халықаралық білім бағдарламаларын жүзеге асыру барысындағы ынтымақтастық болашағын талқылады.

Пленарлы отырыста ҚР білім және ғылым министрі Аслан Сәрінжіпов, әл-Фараби атындағы Қазақ ұлттық университетінің ректоры Ғ. Мұтанов, Ұлыбританияның жоғарғы білім беру бойынша халықаралық агенттігі директорының саясат бойныша орынбасары Дэн Ша, Алматы Менеджмент Университетінің ректоры А. Қожахметов, Уорик Университетінің басшысы Яна Полмовски, сонымен қатар «Халықаралық бағдарламалар орталығы» АҚ президенті  Ғ. Нығметов сөз сөйледі.

Кездесу аясында Ұлыбританияның жоғарғы оқу орындарында Ұлт жоспары «100 қадам» бағдарламасының басымдық берілген жобаларына және индустриалды-инновациялық даму мемлекеттік бағдарламасына қазақстандық мамандарды даярлау мүмкіндіктері талқыланды. Форумға қатысушылар ынтымақтастықтың болашағын және бірлескен ғылыми зерттеулер жүргізу жобаларының жаңа бағыттарын талқылады.

Сонымен форум алаңы отандық жоғарғы оқу орындарының өкілдеріне қазақстандық білім беру сегментінің экспорттық әлеуетін таныстыруға мүмкіндік берді. Жалпы биртандық және қазақстандық жоғарғы оқу орындарының одан ары ынтымақтастығы туралы 100-ге жуық келіссөздер жүргізілді.

Шара қорытындысы бойынша бірқатар құжаттарқа қол қойылды. Атап айтатын болсақ, Қазақстан Республикасының білім және ғылым министрлігі, Назарбаев Университеті Кембридж Университетімен меморандумға отырды. Мұндай құжаттарға өзгеде ұлттық, мемлекеттік және екі елдің жекеменшік оқу орындарымен қол қойылды.