Е.Тарасенко: ҚР-да 100 қадам аясында жалпыұлттық жоспарды жаңғырту бойынша жұмыс жүргізілді
«Ұлт жоспарының бес институционалды реформаны жүзеге асыру аясында жалпыұлттық жоспарды жаңғырту бойынша жұмыс жүргізілді. 2015 жылдың 7 қыркүйегінде өзгерістер енгізілді. Бірінші бөлім – отбасылық құндылықтарды нығайту «Мәңгілік ел» ұлттық идеясының негізінде патриотизмді күшейту шараларымен жетілдірілді», - деді ол.
Ұлттық комиссия басшысының орынбасары, ҚР Парламенті Мәжілісінің депутаты Елена Тарасенко бұқаралық ақпарат өкілдерін қолданыстағы Жалпыұлттық жоспарды «100 нақты қадам» Ұлт Жоспарының «Менің елім» азаматтық бірегейлікті нығайту ұлттық жобасын жасау және жүзеге асыру шараларына сәйкестендірудің өзектілігін арттыру жұмыстарынан хабардар етті.
Е.И. Тарасенко Жалпыұлттық жоспарға жаңа шаралармен толықтырылған «Болашағы біртұтас ел» атты жаңа бөлім енгізілгенін мәлімдеді.
«Бұл шараларды жүзеге асыру отбасын жоспарлау мен оның маңыздылығы жайында халықтың сауаттылығы мен хабардарлығын арттыруға, салауатты өмір салтын насихаттауға, сонымен қатар, балалар мен жастардың бойына үлкенге ізеттілік қасиетін, қазақстандық патриотизмді, «Мәңгілік Ел» Жалпыұлттық идеясына негізделген азаматтық жауапкершілік пен адамгершілік-рухани дамуды дарытуға себепкер болады», - деді ол.
