1137 мектепке дейінгі ұйым 2020 жылы барлық балаларға қолжетімді болады
«Мен елдегі балаларға жасалып жатқан жағдай туралы айта кетсем, мектепке дейінгі білім мекемебелері, мүмкіндігі шектеулі балаларға арналған арнайы балабақшалар мен топтардың дамуы туралы айтқым келеді. Қазақстанда 37 арнайы балабақша бар, онда 4864 мүмкіндігі шектеулі бала тәрбиеленіп жатыр. Оған қоса, 389 арнайы топта 6 мың бала тәрбиеленуде. 2020 жылға дейін 1137 мектепке дейінгі мекемені ашу жоспарланып отыр, оған барлық балалардың қолы жетеді», - деді ол.
Вице-министр атап өткендей, балаларға алдымен отбасы құндылықтарын сіңіре беру қажет.
«Кәмелетке толмағандарды бейімдеу орталықтары бойынша – біздің басты мақсатымыз балаларымыздың бойында отбасы құндылықтарын қалыптастыру. Бірінші кезекте, білімділік, мәдениет, этика, отбасылық өмірге дайындық, өзінің ұрпағын жалғастыру отбасындағы басты құндылықтар. Кәмелетке толмағандарға психологиялық көмк көрсету бойынша 18 орталық жұмыс істейді, оның 13 – облыс орталықтарында болса, 5 – Алматы, Астана, Жезқазған, Теміртау, Семей қалаларында», - деді С.Жақыпова.
