Қазақстандық спортшылардың Кикбоксингтан Әлем чемпионатында жалпыкомандалық есепте 7-ші орынға ие болды

3 Қараша, 2015 09:57

26 қазан және 1 қараша аралығында Сербияның астанасы Белград қаласында ересектер арасында кикбоксингтан лоу-кик және К-1 бөлімдері бойынша Әлем чемпионаты өтті. Қазақстан ұлттық құрамасы жанкүйерлерін әлем біріншілігі медальдарымен кезекті рет қуантты, деп хабарлады Мәдениет және спорт министрлігінің баспасөз қызметі.

Чемионатқа әлемнің 60 мемлекетінен жиналған 700-ге жуық спортшы қатысты. Бұл көрсеткіш қатысушы мемлекеттер мен спортшылар саны бойынша рекордтардың біріне айналды. Ресми емес қорытынды протоколда Қазақстан құрамасы 7-ші жалпыкомандалық орын иеленді.

Жүлдегер мемлекеттердің бірінші үштігіне Сербия, Ресей және Беларусь спортшылары кірді. Қазақстандық атлеттердің ішінде құраманың бас жаттықтырушысы Қайрат Смағұловтың келесі тәрбиеленушілері ерекше жетістіктерге қол жеткізді:1 орын — Тілемісов Шыңғысхан, К1 бөлімі, салмағы 60 кг. (Астана қ.);
2 орын — Жақыпов Саян раздел, К1 бөлімі, салмағы 71 кг. (Павлодар қ.), 3 орын — Төлегенов Нұркен, лоу-кик бөлімі, салмағы 54 кг. (Шымкент қ.), 3 орын — Құдайбергенов Бауыржан, лоу-кик бөлімі, салмағы 57 кг. (Семей қ.).

Кикбоксингтан Қазақстан құрамасы Семей қаласында қарашаның 10-19 арасында өтетін оқу-жаттығу жиынында 21-29 қараша күндері Дублиндегі (Ирландия) фулл-контакт бөлімі бойынша Әлем чемпионатына дайындалатын болады.

Барлық жаңалықтар