Қазақстанда «Эко-Даму» бағдарламасы бойынша 137,3 млн теңгеге 40 жоба қаржыландырылды

3 Қараша, 2015 08:56

Қазақстанда қорғалатын табиғи аймақтарға жақын орналасқан ауылдарда кәсіпкерлікті дамытуға бағытталған «Эко-Даму» несиелендіру бағдарламасы бойынша 137,3 млн теңгеге 40 жоба қаржыландырылды, деп Қордан хабарлады.

2015 жылы «Ауыл шаруашылығын қаржылай қолдау қоры» АҚ БҰҰ ДБ бойынша сомасы 91,7 млн теңгені құраған пайызсыз займ тартты. Ал, Қор бағдарламаға 183,6 млн теңге салуда.

Қорғалатын табиғи аймақтарға жақын орналасқан ауылдарда кәсіпкерлікті дамытуға бағытталған «Эко-Даму» микронесиелендіру бағдарламасы бойынша 275,3 млн теңге жұмсалады.

Бұл Ауыл шаруашылығын қаржылай қолдау қоры мен БҰҰ ДБ арасындағы алғашқы келісім емес. 2008-2013 жылдары «Табиғи орта» бірлескен жобасы жүзеге асырылды, оның аясында қорғалатын табиғи аймақтарға жақын орналасқан ауылдардың 154 тұрғыны жалпы сомасы 221,4 млрд теңгені несиеге алды.

«Эко-Даму» бағдарламасының шарты бойынша микронесие 4,5 жылға жылдық 4% үстемақымен береді, ал тиімді жылдық ставка 4,43% аспайды. Бір займшыға берілетін займ сомасы 100 АЕК-тан 5 400 АЕК-қа дейін қарастырлаған. Бағдарлама еліміздің үш аймағында жүзеге асырылуда – Алматы, Қызылорда және Маңғыстау облыстарында.

«Эко-Даму» бағдарламасы бойныша Қор клиенттерінің қатарына Қызылорда облысынан Қазалы ауданының 22 тұрғыны қосылды, олар 70,8 млн теңгеге қаржыландырылды. Қазалы қаласы ресми түрде экологиялық апаттың арал маңы аймағына кіреді.

Іле-Балқаш табиғи резерват, Алтын-Емел табиғи паркі орналасқан Алматы облысында жалпы сомасы 116,5 млн теңге болатын 23 займ қаржыландырылды. Олардың қатарында омарташылық, құс шаруашылығы және т.б. бар.

Маңғыстау облысының Қаракиян ауданында наубайханалар мен кішігірім жылыжайларды ашу бойынша жобалар қаржыландырылды.