Мемлекет басшысының Жарлығымен Д.Ақышев ҚР Ұлттық Банкінің Төрағасы қызметіне тағайындалды
2 Қараша, 2015 13:17
Елбасы Нұрсұлтан Назарбаев «Д.Т. Ақышевты Қазақстан Республикасы Ұлттық Банкінің Төрағасы қызметіне тағайындау туралы» Жарлыққа қол қойды, деп хабарлады Ақорданың баспасөз қызметі.
«Данияр Талғатұлы Ақышев Қазақстан Республикасы Ұлттық Банкінің Төрағасы болып тағайындалсын», - делінген Жарлық мәтінінде.
Мемлекет Басшысының Өкімімен Данияр Талғатұлы Ақышев Қазақстан Республикасы Президенті Әкімшілігінің Әлеуметтік-экономикалық мониторинг бөлімінің меңгерушісі қызметінен, Қазақстан Республикасы Президентінің көмекшісі міндетін уақытша атқарудан босатылды.
Сондай-ақ, Мемлекет Басшысының Жарлығымен Қайрат Нематұлы Келімбетов басқа жұмысқа ауысуына байланысты Қазақстан Республикасы Ұлттық Банкінің Төрағасы қызметінен босатылды.
