БЖК-2020: Петропавлда жаңа сауда-ойын сауық кешені ашылды

Салтанатты ашылу рәсіміне облыс әкімі Ерік Сұлтанов қатысты.

«Жобаны жүзеге асыру Солтүстік Қазақстан экономикасына елеулі үлес қосуға мүмкіндік береді. Бұл аймақтың экономикалық әлеуетін, салық түсімін арттыруға және жергілікті халықта сапалы азық-түлік өнімдерімен қамтамасыз етуге және жұмыс орындарын ашуға бағытталған тағы бір қадам», - деді Е. Сұлтанов.

Сонымен қатар,  Е. Сұлтанов гипермаркеттің таура түрлерімен және балаларға арналған ойын орталығының жұмысымен танысты.

 «Таткрафт-Инвест» ЖШС СОСО-ның құрылысы жобасымен «Бизнестің жол картасы-2020» бағдарламасына енді.  Субсидия сомасы 100 млн теңгеден асып жығылды. Сауда ойын сауық орталығының жалпы алаңы 14 861,6 шаршы метрді құрады. Компания 250  жаңа жұмыс орнын ашуды көздеп отыр.

«Солтүстік Қазақстан облысында көтерме және бөлшек сауда саласында 11 мың адам жұмыс істейді. 2014 жылы саланың аймақтың жалпы өңірлік өнім көрсеткішіндегі үлесі 16,9% құрады», - делінген хабарламада.