ИИДМБ: Алматы облысында индустриялды инфрақұрылымды құру бойынша 1,4 млрд. теңге сомасында 9 жоба жүзеге асырылуда

Ауыл шаруашылығында жалпы өнім 3,2% өсіммен 316,6 млрд. теңгені құрады. 

«Үстіміздегі жылдың 26 қазанындағы жағдай бойынша 438,1 мың га дәнді масақты дақылдар жиналды немесе егістік көлемнің - 97,5% (449,4 мың га), жалпы түсім 1 млн. 118 мың тоннаны құрады. 85,5% жүгері, 92,5% күріш, 70% май дақылдары, 37,5% қант қызылшасы жиналды. Ал, өнеркәсіп өнімі өндірісінде бірқатар аудандарда төмендеу байқалды», - делінген хабарламада.

«Бизнестің жол картасы 2020» бизнесті қолдау және даму бірыңғай бағдарламасын жүзеге асыру аясында, жыл басынан бері жалпы 10,3 млрд. теңге сомасына 134 жоба мемлекеттік қолдаумен қамтылды. Индустриялдық инфрақұрылымды құру бойынша 1,4 млрд. теңге сомасында 9 жоба жүзеге асырылуда. Жүзеге асырылған шаралар нәтижесінде 284 жұмыс орны құрылып, 1 848 жұмыс орны сақталған.

Айта өтейік, туризм саласында көрсетілген ақылы туристік-сауықтыру қызметтерінің көлемі өткен жылдың осы кезеңіне қарағанда 14,9% өсіп, 3,5 млрд. теңгені құрады.