Ақмола облысында инклюзивті білім беруді дамыту мәселелері талқыланды
2 Қараша, 2015 08:37
Ақмола облысы Қорғалжын ауданы Қызылту орта мектебінде Ақмола облысында инклюзивті білім беруді дамыту бойынша Үйлестіру Кеңесінің отырысы өтті, деп хабарлады облыстық ІСБ жанындағы «Ақмола Медиа Орталығы».
Отырысқа облыстық оқу-әдістемелік кабинетінің, облыстың аудандық (қалалық) білім бөлімдерінің әдіскерлері, тірек мектептердің директорлары мен тірек балабақшалардың меңгерушілері, ПМПК, ППТК, облыстық арнайы түзету мектеп-интернаттардың басшылары қатысты.
Тәжірибе бөлімінде «Мен және қоршаған орта» атты көрме ұйымдастырылды. Қонақтарға арнап мектеп мұғалімдері А.Н.Төлеубекова, А.К.Бекенова ашық сабақ өткізді. Мектеп писхологтары «Мен және қоршаған орта» атты жаттығу сабақтарын өткізді.
