• Басты
  • Ақмола облысында Ұлы Отан соғысына қатысушылардың құрметіне ескерткіш ашылды

Ақмола облысында Ұлы Отан соғысына қатысушылардың құрметіне ескерткіш ашылды

31 Қазан, 2015 14:32
Ақмола облысы Астрахан ауданы Ковыленка ауылында ауыл тұрғындарына – Ұлы Отан соғысына қатысушыларына арналған ескерткіштің салтанатты ашылу рәсімі өтті, деп хабарлады облыстық ІСБ жанындағы «Ақмола Медиа Орталығы».

Ескерткіштің ауыл мектебінің ауласында орнатылғаны – оқушылар аталарының  қаһармандығы жайлы білсін – деген ниет жатыр. Ескерткіштің ашылуы да Жеңістің 70 жылдығының бір белгісі болып отыр.

Ескерткіш Соғысқа қатысқандардың ұрпақтары мен демеушілерінің қаражаттары есебінен салынды.

Жиынға аудандық ардагерлер Кеңесінің төрағасы Сағнай Сейітжанов, Староколутон ауылдық округінің әкімі Владимир Крапивко, құрылыс ұйымдастырушылары,ауыл тұрғындары және көптеген ауыл қонақтары қатысты.

Жиында сөз сөйлегендердің барлығы да, өз өмірлерінің бағасымен бізге бейбітшілікті сыйлаған азаматтарының есімдері ұмытылмас үшін аталған істің маңыздылығын айқындатты.

Ескерткіш орнатуға түрткі болған Мария Дидиченконың айтуынша Ковыленкадан соғысқа 94 сарбаз аттанған. Олардың жартысынан көбі соғыстан үйге оралған жоқ. Ескерткіште Отанын қорғағандардың барлығының есімдері жазылған. Мария Дидиченконың өзінің 7 туысқанының  есімі жазылған екен.

Соғысқа қатысқан ковыленкалықтардың туыстарының көбі қазір Атбасар ауданында тұрады екен. Ескерткішті орнату үшін қаражатты жинау туралы хабарламаны олар бастаған екен. Сондықтан Ковыленка мектебінің ауласында сол күні көпшілік жиналды.

Салтанатты іс-шараның ұйымдастырушылары да ашылу салтанаты, мәңгілік алау, гүлдер, шашу рәсімі және ескерткіш фото үшін алғыстарға бөленді.

Ресми ашылу салтанатынан кейін барлық қатысушылар мектепке шықырылды, ал оқушылар мен ұстаздар қауымы қонақтар үшін арнайы концерттік бағдарламасын ұсынды.  

Барлық жаңалықтар