Миландағы ЭКСПО-2015-те ҚР-ның ұлттық павильоны «Тақырып пен контенттің үздік ашылуы» номинациясында үздіктер үштігіне енді

31 Қазан, 2015 11:36

Миландағы ЭКСПО-2015 көрмесінің арнайы әділ-қазыларының дауыс беру нәтижесі бойынша Қазақстан Республикасының ұлттық павильоны үздіктер үштігіне енді, деп ұлттық компаниядан хабарлады.

Отандық павильонға «Тақырып пен контенттің үздік ашылуы» номинациясы бойынша награда берілді.

Айта өтейік, ЭКСПО-2015 тақырыбы «Ғаламшарды тамақтандыру. Өмір үшін энергия» деп аталады. Әділ-қазылардың пайымынша қазақстандық павльионнның құрылымы ЭКСПО-2015 тақырыбына сәйкес және мемлекет жан-жақты таныстырылған.

«Expo Milano 2015» Дүниежүзілік көрмесіндегі Қазақстан Республикасының павильонын күн сайын шамамен 5 000 адам аралады. Павильон қонақтары ең көп павильондардың қатарында және көрмені ұйымдастырушы комитет өткізіп жатқан дауыс беру шарасында көш басында.

Жалпы аумағы 3000 шаршы м. құрайтын екі қабатты ғимаратта орналасқан қазақстандық павильонның тақырыбы - «Қазақстан - мүмкіндіктер елі» болды.

Миландағы ЭКСПО-2015 қазақстандық павильонда Қазақстаннан келген және италян және ағылшын тілін жетік меңгерген 150 волонтер қызмет көрсетті.

Дәстүр бойынша ЭКСПО халықаралық көрмесінің қорытындысы аясында номинациялар бойынша үздік павильондар анықталып, марапатталады.

Естеріңізге сала кетейік, Қазақстан 1997 жылдан бастап Халықаралық көрмелер бюросына мүше ел болып саналады және ЕХРО көрмелеріне 2005 жылдан бастап қатысып келеді.

Барлық жаңалықтар