Астанада канадалық компания Қазғарыш басшылығына ЖҚЗ спутниктік топтамасын таныстырды

31 Қазан, 2015 11:03

Астанада канадалық «UrtheCast CORP» компаниясының өкілдерімен Қазақстан Республикасының Инвестициялар және даму министрлігі Аэроғарыш комитетінің (Қазғарыш) төрағасы Талғат Амангелдіұлы Мұсабаевтың төрағалығымен мәжіліс өткізілді, деп хабарлады Қазғарыш.

Аталған іс-шараға Бизнесті дамыту вице-президенттері Сергей Бедзюк пен Лопез Альфонсо Баррейро, Ресейде және ТМД-да бизнесті дамыту жөніндегі директор Михаил Корниенко, сондай-ақ «Қазақстан Ғарыш Сапары» ҰК» АҚ басшылығы қатысты.

«UrtheCast CORP» компаниясына «Gen-3» жұмыс атымен аталатын Жерді қашықтықтан зондтау (ЖҚЗ) спутниктік топтамасы таныстырылды.

Айта өтейік, ЖҚЗ спутниктік топтамасы дүние жүзінде алғаш рет толығымен кіріктірілген, мультиспектрлік және коммерциялық ЖҚЗ спутниктік топтамасы болатынын атап өткен жөн және ол екі орбиталық жазықтықта ұшатын кем дегенде 16 ғарыш аппараттарынан (8 оптикалық және 8 радарлық спутниктер) тұратын болады.

Мәжілістің қорытындысы бойынша «KazSAR» қазақстандық радиолокациялық ғарыш аппаратын құру жобасын іске асыру шеңберінде канадалық «UrtheCast CORP» компаниясымен әрі қарай ынтымақтастық жөніндегі мәселелерді пысықтауды жалғастыру туралы шешілді.

Бұдан басқа, Қазғарыш пен Канадалық ғарыш агенттігі арасында ведомствоаралық келісім жасасу туралы шешім қабылданды.