Санкт-Петербургте қазақстандық армияға арналған жаңа корабльді суға жіберді
Салтанатты іс-шараға Кузнецов атындағы Әскери-теңіз академиясының оқу-жаттығу орталығында теориялық оқу курсынан өткен корабль командирі капитан-лейтенант Мұрат Баймұхановтың қолбасшылық етуімен кеме экипажы, сондай-ақ РФ-дағы ҚР Қорғаныс министрлігінің әскери атташесі полковник Арнат Байжанов, қоғам қайраткерлері, кәсіпкерлер, «Қазарнаулыэкспорт» компаниясының мамандары қатысты.
Корабль базалардың, кемежайлардың, кеме жолдары мен жаға маңы бөліктерінің су айдынын минаға қарсы қорғау үшін арналған. Ол навигация мен тұрақтандырудың кіріктірілген шағын габаритті жүйесімен, гидрометеорологиялық қамтамасыз ету корабльді кешенімен, спутниктік навигациялық жүйелерді қабылдау аппаратурасымен, жаһандық теңіз байланысы, радиотарату және бақылау жүйесімен жабдықталған.
Сонымен бірге, кеменің жаппай қырып-жою қаруынан қорғау, әмбебап су және магниттік қорғау жүйелері, химияға қарсы желдеткіш қасиетке ие және жарақтандыруында атысты автоматтандырылған басқару жүйесі бар АК-306 штаттық артиллериялық кешені, 12,7 миллиметрлі оқшашары және тартқыш қару-жарағы бар.
Қазіргі уақытта ҚР ҚК ӘТК-нің жарақтандыруында қазіргі заманғы зымыран-артиллериялық корабльдері, шағын күзет кемелері мен катерлер бар. Аталған мина-тартқыш кораблі осы арсеналды толтырады, оны пайдалануға беру қазақстандық әскери-теңіз күштерінің жауынгерлік қабілеттілігін арттыруға ықпал етеді.
