ШҚО-да елдегі стратегиялық құжаттарды жүзеге асыру бойынша ұсыныс жинау мақсатында «Халықтық пікір» атты акция өтті

2 Қараша, 2013 13:10

«ҚР Стратегиясының 2050 жылға дейін дамуы» ақпараттық- насихаттаумен қамтамасыз ету» мемлекеттік бағдарламалар» жобасының аясында «Халықтық пікір» акциясы болып өтті, деп ШҚО-ның ішкі саясат басқармасы хабарлады.

« Шараның басты мақсаты - елдегі стратегиялық құжаттарды жүзеге асыру бойынша ұсыныс жинау. Стратегиялық құжаттарды білу деңгейін анықтау. Қала тұрғындарын «Қолжетімді баспана-2020» мен «Жұмыспен қамтудың жол картасы-2020» бағдарламасы жайында ақпараттандыру үшін ақпараттық бланкілер таратылды», - деп хабарламада нақтыланған.

Акция аясында тәлімгерлер тұрғындардың арасында мемлекеттік стратегиялық құжаттарды білу бойынша сұрастырулар жүргізді.

«Сұрастыру қорытындысы бойынша халық стратегиялық құжаттардың мәнін түсінетіндігі байқалды. Көп жағдайда олар БАҚ-ннан құлақдар болады екен», - деп хабарлады ішкі саясат басқармасы.

Сонымен қатар, қала тұрғындарының айтуынша теледидардан стратегиялық құжаттар мен мемлекеттік бағдарламалар жайлы бейнебаяндар жадта жақсы сақталып, әсер қалдырады.

Шараның ұйымдастырушысы Азаматтық қоғам альянсы.

Барлық жаңалықтар