• Басты
  • К.Мәсімов: Еркін сауда аймақ туралы Келісім – сауда-экономикалық ынтымақтастық саласындағы посткеңестік кеңістіктегі басты құжат
30 Қазан, 2015 15:03

К.Мәсімов: Еркін сауда аймақ туралы Келісім – сауда-экономикалық ынтымақтастық саласындағы посткеңестік кеңістіктегі басты құжат

Бүгін Душанбеде ТМД Үкімет Басшылары Кеңесі отырысының қорытындысы бойынша Қазақстан Республикасының Премьер-Министрі Кәрім Мәсімов баспасөзге арналған мәлімдемесін жариялады, деп хабарлады ҚР Премьер-Министрдің ресми сайты.
К.Мәсімов: Еркін сауда аймақ туралы Келісім – сауда-экономикалық ынтымақтастық саласындағы посткеңестік кеңістіктегі басты құжат

 

 


Баспасөз конференциясында сөйлеген сөзінде К.Мәсімов Қазақстан Достастықтағы төрағалығын аяқтайтынын еске салып өтті.
«Біздің жұмысымыздың өзегі сабақтастықты сақтау және алдында қабылданған келісімдерді жүйелі жүзеге асыру болды», - деді ҚР Премьер-Министрі.


Ағымдағы жылдың айтулы оқиғаларының ішінде К.Мәсімов Ұлы Отан соғысындағы Жеңістің 70-жылдығын мерекелеу бойынша іс-шараларды табысты жүзеге асыруды атап өтті. ТМД елдеріндегі Ардагерлер жылы аясында ондаған салтанатты іс-шаралар өткізілді. Мәдениет саласындағы маңызды оқиға Астанада ғылыми және шығармашылық интеллигенцияның Х Мерейтойлық форумын өткізу болды. 


«Бұл іс-шаралардың барлығы өте пайдалы, себебі олар елдеріміздің арасындағы игі қарым-қатынасты сақтауға мүмкіндік береді», - деп баса айтты К.Мәсімов.


Сонымен қатар, бүгін өткен ТМД ҮБК отырысы барысында Достастыққа қатысушы елдердің экономика, сауда, мәдениет және қауіпсіздік салаларындағы өзара іс-қимылды одан әрі дамытуға қатысты 40 мәселе қаралды.

«Бір жақты құрамда біз еркін сауда аймақ туралы Келісім – сауда-экономикалық ынтымақтастық саласындағы посткеңестік кеңістіктегі басты құжатты жүзеге асыруды жете талқыладық. Кеңейтілген отырыс аясында ТМД-ның 2020 жылға дейінгі Экономикалық дамуы стратегиясының үшінші кезеңін (2016-2020 жылдар) жүзеге асыру бойынша Іс-шаралар жоспарын қабылдап, мемлекетаралық пилоттық инновациялық жобалар Тізіміне қажетті нақтылаулар енгіздік», - деп толықтырды К.Мәсімов.

Бұдан өзге, Кеңес мәдени-гуманитарлық саладағы ынтымақтастық бойынша шешімдер кешенін, оның ішінде ТМД-ның 25-жылдығына, жастар ынтымақтастығын, дене шынықтыру және спортты дамытуға арналған Іс-шаралар жоспарын мақұлдады.

Сондай-ақ, ТМД Үкімет басшылары мемлекетаралық іздеуді жүзеге асыру бойынша құзыретті органдардың өзара іс-қимылы Регламентін бекітіп, табиғи газды көлікке арналған мотор отыны ретінде пайдалануды дамыту және ынталандыру бойынша Іс-шаралар кешенін қабылдады.

Өз сөзінің соңында К.Мәсімов жылы шыраймен қабылдап, іс-шараны жақсы ұйымдастырғаны үшін тәжік тарабына және ТМД Атқарушы комитетіне алғыс білдірді.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды