Шымкентте бұрынғы БЖСМ мекемесі балабақша болып қайта жаңғыртылды
2 Қараша, 2013 11:05
Шымкентте «Күншығыс» ауданында 220 орындық балабақша ашылды, деп ОҚО-ның ішкі саясат басқармасы хабарлады.
«Бүгінгі таңда Шымкент қаласында 200 балабақшада 33 мыңнан астам бала тәрбиеленуде. Жыл соңына дейін қамту деңгейін 70 пайызға жеткізу жоспарға алынған», - деп хабарламада нақтыланған.
Осы мақсатта ағымдағы жылдың қазан айында жаңадан 280 орындық «Асар» ша5ын ауданында, жыл соңына дейін мемлекетке қайтару арқылы «Күншығыс», «Тұрлан» шағын аудандарында жаңадан 2 балабақша іске қосылмақ.
Осы орайда «Күншығыс» мөлтекауданында орналасқан №1 олимпиада резервін дайынтайтын балалар мен жасөспірімдердің кешенді мамандырылған спорт мектебін балабақша ретінде қайта құру жұмыстары жүргізіліп, бүгін салтанатты жағдайда есігін айқара ашты. Қазір мұнда 220 бала тәрбиеленетін болды.
