Бразилиядағы олимпиадада 100-ден астам спортшы Қазақстан намысын қорғайды
30 Қазан, 2015 11:43
Бразилиядағы олимпиадада Қазақстан намысын 100-ден астам спортшы қорғайды. Бұл туралы бүгін Орталық коммуникациялар қызметінің баспасөз мәслихатында ҚР Мәдениет және спорт министрінің орынбасары Сәкен Мұсайбеков мәлімдеді.
«Қазір Рио-де-Жанейродағы Олимпиадаға қызу дайындық жүріп жатыр. Спортшылар әзірге 26 лицензияны жеңіп алды. Биылғы жылдың соңына дейін жолдама санын 35-40-қа жеткізу көзделгенРио Олимпиадасына 27 спорт түрінен 100-ден астам жолдама ұтып алу жоспарланып отыр», - дейді С.Мұсайбеков.
Айта кетейік, 2016 жылғы жазғы Олимпиада ойындары 5-21 тамыз аралығында Бразилияның Рио-де-Жанейро қаласында өтеді.
Ботагөз Айтжанова
