• Басты
  • ЭКСПО-2017 қатысушылары Қытайдың танымал «Терракота әскерлері» көрмесін тамашалайды
31 Қазан, 2015 10:02

ЭКСПО-2017 қатысушылары Қытайдың танымал «Терракота әскерлері» көрмесін тамашалайды

Бірегей «Терракота әскерлері" Астана қаласында өтетін ЭКСПО-2017 халықаралық көрмесі аясында ұйымдастырылуы мүмкін. Уағдаластыққа ҚР Мәдениет және спорт министрлігі Мәдениет және өнер істері департаментінің директоры Ақтоты Райымқұлованың жұмыс сапары аясында қол жеткізілді, деп хабарлады министрліктің баспасөз қызметі.
ЭКСПО-2017 қатысушылары Қытайдың танымал «Терракота әскерлері» көрмесін тамашалайды

Елімізде әлемнің сегізінші кереметі саналатын «Терракота әскерлері" көрмесін ұйымдастыру және өткізу жөніндегі келіссөздер Қазақстаннның бас мәдени ведомствасы өкілдері мен реставрация, сақтау және археология саласының отандық жетекші мамандарының ҚХР мәдениет Министрлігінің шақыруы бойынша Қытайға сапары аясында өтті.

Өздеріңізге белгілі, «Терракот әскерлері" - әлемдік ЮНЕСКО мәдени мұрасының және Қытайдың мемлекеттік деңгейіндегі нысандар тізіміне енгізілген дүниежүзіндегі танымал теңдессіз тарихи-мәдени ескерткіштердің бірі. Терракот әскерлерінің табылуы 20-ғасырдың ең үлкен жаңалықтарының бірі болды.

Әлемнің сегізінші кереметі саналатын император Цинь Шихуанды күзетіп тұрған тарихи және мәдени маңыздылығы теңдессіз терракот әскерлері Қытай елінің басты мәдени нысандарының бірі. Ежелгі шеберлер қолынан шыққан бірегей туындылар сол кезеңнің әскери әлеуетін, мәдениет мен экономикасын толық зерттеуге мүмкіндік береді.

2002 жылы Ральф Грюнеберг және Буркард Пфренцигер сияқты мүсіншілер әскерлердің дәл көшірмесін жасады. Олар ежелгі әдіс арқылы 150 ескерткіш жасап шығарды. Бұл көрме әлемнің бірқатар қалаларында Стокгольм (Швеция), Дорнбирн (Австрия), Брюссель (Бельгия) болғаны белгілі. Қазақстан осы көрмені ұйымдастырған Орталық Азиядағы алғашқы мемлекет болмақ.

Естеріңізге сала кетсек, бүгін Сиань қ. (ҚХР) Қазақстан Республикасы мен Қытай Халық Республикасының мәдениет министрліктері арасында тарих және мәдениет ескерткіштерін сақтау, жаңғырту және консервациялау саласында ынтымақтастық туралы меморандумға қол қойылған болатын.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды