«Батыс Еуропа-Батыс Қытай» жобасы бойынша «Ақтөбе қаласын солтүстік жағынан айналып өту»автомобиль жолы пайдалануға берілмек
«2011 жылдың қазан айында Ақтөбе облысының Ырғыз ауданында ұзындығы 215 км көліктік дәліздің алғашқы қазақстандық бөлігі пайдалануға берілді,2013 жылдың 7 қазанында қайта қалпына келтірілген «Ақтөбе-Мартөк-РФ шекарасы (Орынборға)» автомобиль жолының 0-102 шақырымы пайдалануға берілді», - деп хабарламада нақтыланған.
Транзиттік дәліздің соңғы учаскесі ұзындығы 39,3 км «Ақтөбе қаласын солтүстік жағынан айналып өту»автомобиль жолы пайдалануға берілмек.
Оның құрылысы 2011 жылы басталып,келісім шарт бағасы 12,1 млрд. теңге. Жаңа айналма жолдың құрылысы Ақтөбе үшін стратегиялық маңызы болды, ол облыс орталығын айналып өтіп, қайта қалпына келтіріліп жатқан халықаралық дәліз учаскелерін бір жүйеге қиылыстыруды көздеді.
Сонымен көп табандылық пен қажырлылықты талап еткен«Батыс Еуропа-Батыс Қытай» халықаралық транқұрлықтық дәлізі құрылысының Ақтөбе облысына қарасты 358 км автомобиль жолын қайта жаңарту жұмыстары аяқталады.
