Вьетнамдық кәсіпкерлерді Астананың инвестициялық мүмкіндіктерімен таныстырды

30 Қазан, 2015 10:37

Астанада В2В форматында отандық кәсіпкерлер мен Вьетнамның бизнес делегациясы өкілдерінің кездесуі өтті, шараны ұйымдастырушылар Қазақстанның сыртқысауда палатасы.

Іскерлік кездесулерге 35 қазақстандық және вьетнамдық тарап қатысты, олар мұнай және газ, химия, телекоммуникация, құрылыс, көліктік-логистикалық сала, машина жасау, туризм саласының өкілдері.

«Кәсіпкерлерді Вьетнам Социалистік Республикасының Төтенше және Өкілетті елшісі Жұмаханов Бекетжан мен Қазақстандағы Вьетнам Социалистік Республикасының елшісі Г-жа Хиен Доан Тхи Суан қасы алды», - деп хабарлады палатаның баспасөз қызметі.

Іскерлік кездесулерді өткізу аясында Вьетнамның бизнес делегациясын Қазақстанның инвестициялық мүмкіндіктері мен экономикалық әлеуетімен таныстырды. Сондай-ақ, «Астана-жаңа қала» еркін экономикалық аймағында бизнесті дамытудың жағдайлары алға тартылды.

Сондай-ақ, вьетнамдық тарап Қазақстанның көліктік-логистикалық мүмкіндігі мен инфрақұрылымды дамыту салаларына қызығушылық танытты, оны «Қазақстан темір жолы» ҰК» АҚ филиалы - «KTZ Express» АҚ және «Көліктік логистиканы дамыту орталығы» АҚ таныстырды.

Екі елдің кәсіпкерлері іскерлік қарым-қатынас құрып, тікелей байланыс орнатып, бизнесті дамыту бойынша пікір алмасуға ие болды.