Астананың өндіріс әлеуетін арттыру аясында Ақмола облысының құс фабрикасындағы өндіріс кеңейтілуде
2 Қараша, 2013 10:17
2,3 млрд теңгеге құс фабрикасының екінші қатарын салу мақсатында жұмыртқа өндірісін 2 есе көбейту жоспарланып отыр, деп хабарлайды Ақмола облысы әкімдігінің баспасөз қызметі.
«Бүгінде «Қазгер Құс» ЖШС-де жылына 150 млн дана жұмыртқа шығарылады. Фабрикадағы екінші қатардың салынуы арқылы өндірісті 300 млн-ға дейін жеткізу жоспарланып отыр», - делінген хабарламада.
Құстарды өсіру жұмыстары толықтай автоматтандырылған. Заманауи қондырғылар орнатылған. Қазақстанда сертификатталған өнімдер халықаралық стандарттарға сай келеді.
Айта кету керек, өндіріс орны Астана айналасындағы шаруашылықтарды дамыту бағдарламасы аясында қолға алынған болатын.
