• Басты
  • Павлодарда Қазақстан мен Ресейдің шекаралас прокуратураларының басшылары екіжақты ынтымақтастық талқылады
29 Қазан, 2015 17:52

Павлодарда Қазақстан мен Ресейдің шекаралас прокуратураларының басшылары екіжақты ынтымақтастық талқылады

Павлодар қаласында Қазақстан Республикасы мен Ресей Федерациясының шекаралас прокуратуралары басшыларының ғылыми-практикалық семинары жұмысын бастады, деп хабарлады Бас прокуратураның баспасөз қызметі.
Павлодарда Қазақстан мен Ресейдің шекаралас прокуратураларының басшылары екіжақты ынтымақтастық талқылады

Іс-шараға Қазақстан Республикасы Бас прокуратурасы, Бас Әскери прокуратурасы, Бас көлік прокуратурасының басшылары және республикамыздың барлық шекаралас облыстарының прокурорлары, сондай-ақ Ресей Федерациясы Бас прокуратурасының өкілдері, Алтай Республикасы, Қалмақ Республикасы, Алтай өлкесі, Астрахань, Волгоград, Курган, Новосібір, Омбы, Орынбор, Самара, Саратов, Тюмень және Челябинск облыстарының, Батыс-Сібір, Орал және Оңтүстік көлік, сондай-ақ «Байқоңыр» кешені прокуратураларының бірінші басшылары қатысуда.

Форумның ашылу салтанатында Қазақстан Республикасы Бас Прокурорының бірінші орынбасары Иоган Меркель Еуразиялық экономикалық одақ аясында тауарларды, қызметті, капиталды, жұмыс күшін еркін тасымалдау және экономиканың басты салаларында келісілген саясатты жүзеге асыру барысында екі мемлекеттің прокурорлары алдына жаңа міндеттер қойып отырғанын атап өтті.

Ол Қазақстан және Ресей бас прокуратураларының ынтымақтастығы көп тарапты, сондай-ақ екі тарапты пішімде табысты жүзеге асырылып отрығанын атап көрсетті. Құқық қорғау органдарының жұмыс тиімділігі интеграциялық үдерістер аясында прокурорлардың үйлестірілген рөлін күшейту және бюрократиялық тосқауылдарды жою арқылы едәуір артуы мүмкін.

Екі күндік семинар барысында трансшекаралық ұйымдасқан қылмыстылыққа, заңсыз көші-қонға, есірткі қылмысына, діни экстремизм мен терроризмге, киберқылмыстылыққа, қылмыстық жолмен табылған табыстарды заңдастыруға және табиғи ресурстарды қорғау саласындағы қылмыстарға қарсы күресте күшті нығайту және бірлескен шешімдерді іздестіру мәселелерін талқылау жоспарлануда.

Сондай-ақ, қылмыстық істер бойынша құқықтық көмек көрсетуде көршілес елдердің аумақтық прокуратуралары арасында тікелей байланыстарды орнату қажеттілігіне баса назар аударылады.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды