• Басты
  • Қазақстанда органикалық өнімді өндіру халықаралық стандартқа сай сәйкестендіріледі
29 Қазан, 2015 13:34

Қазақстанда органикалық өнімді өндіру халықаралық стандартқа сай сәйкестендіріледі

Бүгін Парламент Сенатының жалпы отырысында «Органикалық өнім өндіру туралы» ҚР Заңы қабылданды.
Қазақстанда органикалық өнімді өндіру халықаралық стандартқа сай  сәйкестендіріледі

«Заң жобасы елімізде органикалық өнім өндіруді дамыту үшін қолайлы жағдайды қалыптастыруға, табиғи ресурстарды сақтауға, тамақ өнімдерінің сапасын арттыруға бағытталады. Бұдан бөлек, қазақстандық сапалы, экологиялық таза азықтық өнімдердің экспортын ұлғайту шаралары көзделеді», - деді заң жобасына бастамашылық жасаған депутаттың бірі Төлеген Ибраев. 

Бұл ретте құжат бойынша органикалық өнім өндірушілер, өзге де жеке және заңды тұлғалар, органикалық өнім мен шикізаттарды өндіру, қайта өңдеу, сәйкестігін растау, таңбалау қарастырылады.

Халықтың денсаулығын және қоршаған ортаны қорғаудың маңыздылығын ескере отырып, органикалық өнім өндіруге талаптар қойылады. Жабайы өсімдіктерді өңдеудің химиялық әдістерін болғызбау жағдайлары қарастырылады.

Айта кетерлігі, бүгінгі таңда Қазақстанда органикалық егін шаруашылығы үшін 300 мың гектар жер пайдаланылады. Дегенмен, Қазақстанда органикалық өнімдер үлесіне елдегі барлық тұтынылатын өнімнің шамамен 0,1 пайызы келеді.

Қазақстанда өндірілетін органикалық өнімдерге астық және майлы дақылдар жатады. Дайын өнімнің ішінде әртүрлі дәнді-дақылдар, органикалық арақ пен шарап жатады. Аталмыш нарықтың дамуына кедергі келтіретіні органикалық тауар туралы заңнаманың болмауы.

Заң органикалық өнім өндіруді ұйымдастыру бойынша Үкіметтің және жергілікті билік органдардың жұмысын реттеу, кәсіпкерлерге қолайлы жағдай жасауды көздейді. Бұған еліміздің жағдайы да мүмкіндігі де зор.

 

 

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды